السلام عليكم و رحمة الله وبركاته
اليوم حبيت اتكلم عن شي من الشغلات الغلط الي موجوده بالكويت و المشكله تقريباً كل الشباب يميلون لها
اهو سباق السيارات بالكويتي ( الدوس وله المقاوم وله الهدات )
الرياضه مو حرام بالعكس الرسول عليه الصلاة و السلام كان يمارس الرياضه
بس
الي احنا نسويه هذا غلط و حرام........؟؟!!؟؟!!؟؟
غلط ........ يمكن
بس
حرام ........ ليش
اوكي
نقول اول شي ليش غلط بعدين نتكلم عن الحرام
غلط لانه اول شي بالكويت الي احنا قعد نسويه ممنوع
و ثاني شي جم واحد و واحد ماتو الله يرحمهم لانهم كانو يطالعون (متفرجين) يعني ماله شغل بشي ياي يشوف و يمشي
اوكي
الحين اتكلم عن الحرام
كلنه ندري انه الي يموت بسياره يعتبر منتحر
و الي احنا نسويه عباره عن انتحار بس الواحد شيطانه اقوى منه بليس يصورلك الشي هذا عباره عن تحدي
و عن رياضه شريفه ايه رياضه صح بس اذا انت تمارسها الطريقه الصحيحه
بس الي احنا نسويه بالشوارع هذا عباره عن انتحار مو رياضه ولا فيها شي من الشرف
بس على فكره الغلط هذا مو من الشباب ؟؟!!؟؟!!؟؟
شلون
انا اقولك شلون بنظري
الحين لو انه في ميدان بالكويت حق السوالف هذي و في كل احتياجات الشباب يعني ما يحكرونه بشروط ((واسطه))
و في كل المسافات الي الشباب يبونها انا واحد عن نفسي ما ادوس بالشارع لانه هناك راح يكون سيفتي اكثر
اوكي تقول الشي هذا غلط انا معاك انه غلط بس لو نحط مثلاً شروط حق الميادين هذي مثل
انك تكون كامل العمر القانوني 21 سنه
و انك تحصل على ليسن حق النادي نفسه على شان تسوق بالنادي
ولو يوفرون لك السيفتي
ما افتكر انه الشباب راح يلجؤن حق الشارع
و على فكره ترى الي احنا الشباب نسويه من كبت فينا
يعني الحين عليكم الله الشباب الكويتي شنو يسوي بوقت فراغه
وين يروح ترى والله ما في مكان بالكويت الواحد يروحله الا القهاوي و صالات البريالد
و القهاوي الحين يالله خير البلديه ماذين اصحاب القهاوي جنه ما في احد بالديره غيرهم
و الصالات الحمدلله شالو العماله الاسيويه منها نظفوهم شوي بعدين طلعو ب قانون ثاني
يقولك ممنوع الصاله تكون في سرداب .....؟ ممكن اعرف شنو السبب ؟؟!!؟؟
ممنوع يدشون اقل من 18 سنه ....؟ ليش مو كويتين ....؟ مو محسوبين على الشعب ....؟
لا و المشكله انا اتنرفز اذا دشيت صاله و شفت علامه
لا للتدخين ......؟ داش مستوصف انا شنو
طلعت بره الموضوع وايد :$
و انا انقهر اذا ياك واحد يقول انتو قادت المستقبل
اوكي زين دام احنا قادت المستقبل ليش ما تشوفون احتياجاتنا
ليش ما تشوفون الي احنا نبيه
هذا كل الي حبيت اوضح عنه بموضعي اليوم و ان شاء الله اكون تكلمت عن شي يهمكم
1 comment:
خوش موضوع الصراحه
الحين الشباب بالكويت ماعندهم شي
واذا سوو شي يقولون لهم ممنوع
على ايام رابطة الكويت للسيارات كان وايد احسن وشكثر شباب يروحون اهناك
بس صكروها وتوهقو الشباب وقام تصير دوساتهم واستعراضهم بالشوارع
يااخي ماادري شسالفتهم علينا الظاهر يبون يعذبونا كل شي ممنوع علينا
Post a Comment