السلام عليكم
انا مو من النوع الي يجيد المقدمات بس حبيت ادش بالموضوع على طول
اليوم حبيت اقولكم سالفه صايره بديرتنا الحبيبه الكويت .
و الشي هذا بصراحه انا اشوفه بعيني من كثر ماهو زاد عن حده صارت السالفه مصخره .
اهو عباره عن سالفتين السالفه الاولى عن الشباب و السالفه الثانيه عن البنات .
لاني واحد من الشباب احب اعلق على الشباب بالاول .
الشباب :-
الشباب الكويتي اول ما يقعد من النوم يروح الصالون يعقد 12 ساعه.
عنده جدول يمشي عليه اول ما يدش يغسل راسه بعدين يشيل الشعر الزايد الي فوق الحاجب و الي ورا الاذن و الشارب اليومين هذول صار شعر زايد لازم ينشال على شان ما يقولون عنه معقد ..... الي يربي الشارب بالكويت معقد و كويتي قديم.
نرجع حق الموضوع مقب ما يشيل الشعر الزايد يبلش الحين بالجد هالله هالله على الجد و الجد هالله هالله عليه
1- ستشوار
2- سبري
3- صبغ
4- بدكير و منكير ( انشالله اساميهم جذي صح :) )
5- مكياج على الخفيف صوب الحاجب و كحله و مرطب خفيف و اذا ويها في حفر كريم اساس .
يمكن انتو تقولون اني ابالغ و صح انا قاعد ابالغ شوي لانه الي صاير مصخره .
يا معود الحين ترى شي صعب انك تفرق بين المره و الريال .
لا و الي يقهر و يحرق القلب سالفت الخرز الي قاصين على عمرهم يقولون شوار فسكي .(شوار غنم )
البنات:-
الحين البنات كلنه ندري انه البنت يوم عيدها اليوم الي تروح في الصالون و بنات الكويت يالله خير كل يوم تروح الصالون.
بس مو هذا الشي الي معور قلبي .
الشي علي حارقني سالفت التفاخيه الي يحطونها بالحجاب .
كل وحده فيهم حاطه قوطي روب ما ادري شنو حاطين تحت الحجاب .
تشوف البنات بالمجمع جنك داش كوكب ثاني كل وحده تافخه راسها اللهم لا شماته .
ولا تييلك وحده رافعه الغوله تشوفها تقول بيكم يبي يشوت فاول .
و السالفه الي تعور القلب اذا يتلك وحده محجبه تقول ما شاء الله تنزل عينك شوي تشوف برموده .
الله يرحم والديكم ليييييييييييييييييش ..............؟
شنو الي صاير وين الكويتين انا اقول مستحيل هذول اهل الديره الطيبه هذي .
و بالاخر شنو نقول بصراحه تمنيت اني احصل صور بس على شان تشوفون الشي الي صاير بالديره .
بس انا اقول الي ما شاف الشي هذا يروح اي مجمع من مجمعات الكويت و يضحك شوي و يرد الدوانيه احسن له بوايد.
و بالاخر ما اقول اله سامحوني جان احد فيكم من النوع هذا :P
بس هذي حريه شخصيه و انا اشوف الشي هذا عيب اني اسويه لانه اول شي راح اخلي الناس تتمصخر علي و اييب الحجي حق عمري .
بالاخر اصير ارقوز :) ماله داعي يا شباب كل واحد قبل لا يطلع من البيت يشوف شكله بالاول بالمنظره .
سوري طبيت وايد بس هذي وجهت نظري حق الموضوع هذا .
في امان الله
